भोकरदन :
भोकरदन वकील संघाची २०२५-२६ या वर्षासाठीची नूतन कार्यकारिणी नुकतीच बिनविरोध निवडण्यात आली असून, या कार्यकारिणीत अध्यक्षपदी ॲड. रवींद्र पाटील साबळे, उपाध्यक्षपदी ॲड. इरफान पटेल, सचिवपदी ॲड. संदिप अप्पा दारूवाले तर सहसचिवपदी ॲड. भारत मुळे यांची निवड झाली आहे.
🔹 वार्षिक अहवाल मंजूर
मागील वर्षीच्या कार्यकारिणीची मुदत संपल्यानंतर संघात विशेष सर्वसाधारण सभा घेण्यात आली. या सभेत २०२४-२५ चा वार्षिक अहवाल व हिशोब सादर करण्यात आला. अहवालाचे वाचन झाल्यानंतर सर्व उपस्थित सदस्यांनी त्याला एकमुखाने मंजुरी दिली.
🔹 निवडणूक प्रक्रिया सर्वानुमते
त्यानंतर नवीन कार्यकारिणीच्या निवडणुकीबाबत चर्चा झाली. वकील संघातील सदस्यांनी मागील कार्यकारिणीने केलेल्या कामकाजाचे कौतुक करून त्यांना यंदाही पुन्हा संधी देण्याचा ठराव मांडला. या ठरावाला सर्वांनी पाठिंबा देत कार्यकारिणी बिनविरोध निवडून देण्यात आली.
🔹 सत्कार सोहळा
१९ ऑगस्ट २०२५ रोजी संघाच्या वतीने नवनिर्वाचित कार्यकारिणीचा सत्कार सोहळा मोठ्या उत्साहात पार पडला. या कार्यक्रमास भोकरदन न्यायालयाचे प्रमुख दिवाणी न्यायाधीश श्री. एम. आर. काळे व सहदिवाणी न्यायाधीश श्रीमती एम. डी. दज्जुका प्रमुख पाहुणे म्हणून उपस्थित होते. पाहुण्यांनी नव्या कार्यकारिणीचे अभिनंदन करून, वकील संघाची एकजूट आणि न्यायप्रक्रियेत वकिलांची जबाबदारी अधोरेखित केली.
🔹 कार्यक्रमाचे आयोजन
कार्यक्रमाचे सूत्रसंचालन ॲड. डी. एन. रामफळे यांनी केले. तर आभारप्रदर्शन ॲड. मनोज देशपांडे यांनी केले. यावेळी संघाचे सर्व मान्यवर वकील मोठ्या संख्येने उपस्थित होते.
या निवडीनंतर वकील संघात समाधानाचे वातावरण असून, नवीन कार्यकारिणी आगामी काळात वकील बांधवांच्या कल्याणासाठी व संघटन बळकटीसाठी कार्य करेल, असा विश्वास व्यक्त करण्यात आला.
