धक्कादायक..! युवक काँग्रेस शहराध्यक्षाकडून पत्नीला जिवंत जाळण्याचा प्रयत्न!

 नेमकं काय घडलं?

नमिता काकडे गेल्या दोन महिन्यांपासून नगरपरिषदेत सफाईकामगार म्हणून कार्यरत आहे. दाम्पत्यास तीन वर्षांचा आणि एक वर्षाचा मुलगा आहे. ९ डिसेंबर २०२० रोजी नमिता हिचं लग्न विशाल काकडे याच्याशी झालं.
मात्र, लग्नानंतर अवघ्या सहा महिन्यांतच घरगुती वाद वाढू लागले. सासू रेखा रघुवीर काकडे हिने सतत टोमणे मारत नमिताला मानसिक व शारीरिक छळाला सुरुवात केली. त्यातच पती विशाल व मोठी नणंद भावना काकडे हे सासूच्या सांगण्यावरून वारंवार मारहाण करत असल्याचे तक्रारीत नमूद आहे.

अफेअरचा संशय ठरला ठिणगी..

९ नोव्हेंबरच्या सकाळी आठच्या सुमारास विशालच्या मोबाइलवर एका मुलीचे मेसेज येताना पाहून नमिताने मोबाइल हातात घेतला. त्यावर अनेक मेसेज पाहून तिने पतीला जाब विचारला. त्यावर संतापून विशालने तिला बेदम मारहाण केली. मोबाइल हिसकावतानाच तो पडून फुटला. याच दरम्यान सासू व नणंदेने चिथावणी दिल्यानंतर विशालने घरातील बॉटलमधील पेट्रोल अंगावर ओतले आणि गॅस सुरू करून साडीचा पदर पेटवला.

सूजबूजेमुळे वाचला जीव..

अचानक भडकलेल्या साडीचा पदर तिने आरडाओरड करत बाथरुममध्ये धाव घेऊन पाण्याने विझवला आणि आपला जीव वाचवला. घटनेनंतर नमिता हिने थेट पोलिसांत धाव घेत पती विशाल, सासू रेखा आणि नणंद भावना यांच्या विरोधात गुन्हा दाखल केला आहे.

पुढील कारवाई..

चिखली पोलिसांनी आरोपींविरुद्ध कलम 307 (खूनाचा प्रयत्न), 498A (स्त्रीवरील अत्याचार), 323, 504, 506, 34 नुसार गुन्हा नोंदवला आहे. पोलिसांनी तपास सुरू केला असून शहरात या घटनेमुळे संताप व्यक्त होत आहे.