छत्रपती संभाजी नगरमध्ये दादा गटात इन्कमिंग

:
छत्रपती संभाजी नगर येथील उस्मानपुरा भागातील संत एकनाथ रंग मंदिर येथे राष्ट्रवादी काँग्रेस अजित पवार गटाचा कार्यकर्ता संवाद मेळावा आयोजित करण्यात आला होता. यावेळी पाच नगर सेवकांसह अनेकांनी दादा गटात जाहिर प्रवेश केला. आगामी स्थानिक स्वराज्य संस्थांच्या निवडणुकीच्या पार्श्वभूमीवर दादा गटात इन्कमिंग वाढल्याचे दिसून येत आहे.
प्रदेशाध्यक्ष सुनील तटकरे यांच्या उपस्थितीत छत्रपती संभाजीनगरमध्ये अनेक नगरसेवकांनी राष्ट्रवादी अजित पवार गटात प्रवेश केला. आगामी स्थानिक स्वराज्य संस्थांच्या निवडणुकांच्या पार्श्वभूमीवर महायुतीतील पक्षांची मोर्चेबांधणी सुरू आहे.
राष्ट्रवादी शरद पवार गट, काँग्रेस प्रत्येकी एक तर अपक्ष तीन अशा एकूण पाच नगरसेवकांनी राष्ट्रवादी अजित पवार गटामध्ये पक्षप्रवेश केला. नवनिर्धार पर्वाच्या निमित्ताने प्रदेशाध्यक्ष सुनील तटकरे छत्रपती संभाजीनगरच्या दौऱ्यावर आहेत. सुनील तटकरे यांच्या उपस्थितीमध्ये पार पडलेल्या कार्यकर्ता मेळाव्यामध्ये तटकरेंच्या उपस्थितीमध्ये हा पक्षप्रवेश पार पडला.विधानसभा निवडणुकीनंतरच सत्ताधारी पक्षाकडे मोठ्या प्रमाणात इन्कमिंग सुरू झाले आहे. या वर्षाच्या अखेरीपर्यंत स्थानिक स्वराज्य संस्थांच्या निवडणुका पार पडणार आहेत. त्यामुळे महायुतीतील सर्वच पक्ष मोर्चेबांधणी करत आहेत.
दादा गटाच्या वतीने प्रदेशाध्यक्ष सुनील तटकरे यांनी निर्धार पर्वाचा महाराष्ट्र दौरा सुरू केला आहे.या निर्धार पर्वाचा निमित्ताने तटकरे छत्रपती संभाजी नगर मध्ये होते. शहरातील उस्मानपुरा भागातील संत एकनाथ रंग मंदिरामध्ये कार्यकर्ता संवाद मिळावा घेण्यात आला. यावेळी सुनील तटकरे यांच्या उपस्थितीमध्ये पक्षप्रवेश सोहळा पार पडला. यावेळी राष्ट्रवादीचे माजी नगरसेवक अजीम खान गनी खान, काँग्रेसचे माजी नगरसेवक अमोल, अपक्ष माजी नगरसेवक अब्दुल बकर स. हाफिज, अपक्ष नगरसेवक नूर जहा बेगम रहमान खान, अपक्ष माजी नगरसेवक मसूद भाई यांच्यासह शेकडो कार्यकर्त्यांनी प्रदेशाध्यक्ष सुनील तटकरे यांच्या उपस्थितीमध्ये पक्षप्रवेश केला. या प्रवेशामुळे अजित पवार गटाची छत्रपती संभाजी नगरात ताकद वाढल्याची चर्चा राजकीय वर्तुळात सुरू आहे.