जालना बसस्थानक परिसरातील लॉजवर पोलिसांचा छापा; कुंटणखाना चालविणारे जेरबंद, चार महिलांची सुटका

जालना :
जालना शहरातील बसस्थानक परिसरात असलेल्या एका लॉजवर बुधवारी (दि. 10 सप्टेंबर) स्थानिक गुन्हे शाखेच्या पथकाने धडक कारवाई करत कुंटणखाना चालविणाऱ्या लॉज चालकासह तिघा पुरुषांना जेरबंद केले. या कारवाईतून चार महिलांची सुटका करण्यात आली आहे.

मिळालेल्या माहितीनुसार, जालना बस स्थानक परिसरातील एका लॉजमध्ये आरोपी बाहेरून महिलांना आणून वेश्या व्यवसाय चालवत होता. स्थानिक गुन्हे शाखेला याची माहिती मिळाल्यानंतर पोलिस अधीक्षक अजयकुमार बन्सल यांनी तातडीने कारवाईचे आदेश दिले. त्यानुसार पोलिस निरीक्षक पंकज जाधव यांच्या पथकाने छापा टाकला.

या वेळी लॉज चालक याच्यासह तिघे पुरुष आरोपी ताब्यात घेण्यात आले. त्यांच्या जवळून एकूण रु. 2,280/- इतकी रक्कम जप्त करण्यात आली.सदर प्रकरणी सदर बाजार पोलीस ठाण्यात गुन्हा दाखल करण्यात आला आहे. या कारवाईतून सुटका करण्यात आलेल्या चार महिलांना सुरक्षित स्थळी हलविण्यात आले आहे.

ही कारवाई पोलीस अधीक्षक अजयकुमार बन्सल, अपर पोलीस अधीक्षक आयुष नोपाणी, उपविभागीय पोलीस अधिकारी अनंत कुलकर्णी यांच्या मार्गदर्शनाखाली करण्यात आली. स्थानिक गुन्हे शाखेचे पोलीस निरीक्षक पंकज जाधव, सपोनि. योगेश उबाळे, सपोनि. सचिन खामगळ, पोउपनि. राजेंद्र वाघ यांच्यासह पथकातील पोलिसांनी सहभाग घेतला.